આંબાવાડિયું

કૂહુ..કૂહુ......(4)
વગડે કોયલ બોલતી.......(2)
હે હે વગડે કોયલ બોલતી, એનો શેરીએ આવે સાદ! વગડે કોયલ બોલતી, એનો શેરીએ આવે સાદ!
અરે હાલને આંબાવાડિયે, હજી પો’રની તાજી યાદ!

કૂહુ..કૂહુ......(4)
- વગડે....તાજી યાદ.. કૂહુ..કૂહુ......(4)

પાંદડું યે નહિ પેખીયે, એવો ઝૂલતો એનો મો’ર; (2)
કોઈને મોટા મરવા, અને કોઈને છે અંકોર, (2)
ડોલતી ડાળે.................(2). હે હે ડોલતી ડાળે બેસી આપણે, ગજવી ઘેરો નાદ; (2)
અરે હાલને આંબાવાડિયે, હજી પો’રની તાજી યાદ! (2)
કૂહુ..કૂહુ......(4)
- વગડે....તાજી યાદ.. કૂહુ..કૂહુ......(4)

ઘરનું નાનું આંગણું ગમે, મોકળું મોટું વન; (2) કોઈનો યે રંજાડ નહિ ને ખેલવા મળે દન; (2) હાલિયે ભેરુ..................(2).
હે હે હાલિયે ભેરુ, કાયર જે કોઈ હોય તે રહે બાદ; (2) અરે હાલને આંબાવાડિયે, હજી પો’રની તાજી યાદ! (2)
કૂહુ..કૂહુ......(4)

હે હે વગડે કોયલ બોલતી, એનો શેરીએ આવે સાદ! (2) અરે હાલને રે ભાઈ હાલને, આવે પો’રની ઘણી યાદ! (2)
કૂહુ..કૂહુ......(8)

રાજેન્દ્ર શાહ

વર્ષાગીત

આવેરે આવેરે પેલા પવનની પાંખે ચઢી,વીજના ચમકારા કરી,
આવેરે મેહુલીયો આવે, આવે આવેરે મેહુલીયો આવે(2)

ડુંગરાની ધારે મીઠાં ટહુકે રે મોર, ઊંચી ઊંચી ધારાઓમાં એના કલશોર

આવેરે આવેરે........ મેહુલીયો આવે

નદી નાળાંને ઝરણાં સાગર છલકાય, વરસી વરસીને માનવ હૈયા મલકાય

આવેરે આવેરે........ મેહુલીયો આવે

આવરે વરસાદ ઘેબરીયો પરસાદ
ઊની ઊની રોટલીને કારેલાંનું શાક

આવેરે આવેરે........ મેહુલીયો આવે

લીલમલીલા...

લીલમલીલા લીલમલીલા તરૂવર લહેરાય (2) લીલુડી ચુંદડીએ વર્ષા સોહાય (2)

ટપટપટપ ટપકંતા વર્ષાના બિંદુડાં..........આ (2)
ધરતીના નેહે નહાતી વર્ષા.....(2) બોલે બપૈયો, ગામનો ગવૈયો (2)
ઉછળે ઉમંગ, ગાએ ખેડૂ ને બાળ (2)
--લીલમલીલા.......સોહાય(2)


તાલનૃત્યે વર્ષા...ઘડૂલો છલકાવતી..........ઈ (2)
નદીને નાળા તો સરસર વહે.....(2)
દાદુર ડકારે, ચમકે વીજલડી.....(2)
નાચી-કૂદીને સૌના હૈયા હરખાય (2)
 લીલમલીલા.......સોહાય(2)